Keçmiş deputatın və vəkilin “kola biznesi”ndə aldadıldığı deyilir - açıqlama

Keçmiş deputat Elşad Mirbəşiroğlu Rusiyada biznes qurmaq məqsədilə verdiyi 50 min manatın mənimsənildiyini bildirərək hüquq-mühafizə orqanlarına müraciət etdiyi deyilir. Bu barədə Qafqazinfo məlumat yayıb. 

Saytın məlumatına görə, Mirbəşiroğlu Moskvada “Futcity” bazarında buzlu kola satışı biznesinin təşkili üçün logistika sahəsində çalışan Gülnar Soltanovaya 50 min manat verib. Lakin iddiaya əsasən, nəzərdə tutulan biznes qurulmayıb və vəsait də geri qaytarılmayıb.

Eyni iş üzrə digər zərərçəkmiş Vəkillər Kollegiyasının üzvü Nizami İbrahimovdur. Məlumata görə, o, eyni biznes layihəsi üçün Soltanovaya 210 min manat verdiyini bildirib.

Zərərçəkmişlərin müraciətləri əsasında aparılan araşdırmadan sonra Gülnar Soltanova cinayət məsuliyyətinə cəlb edilib. Ona Azərbaycan Cinayət Məcəlləsinin 178-ci (dələduzluq) maddəsi ilə ittiham irəli sürülüb və barəsində həbslə bağlı olmayan qətimkan tədbiri seçilib.

İş üzrə ibtidai istintaq davam edir. Soltanovanın ittihamlara münasibəti hələlik məlum deyil.

Elşad Mirbəşiroğlu Anews.az-a açıqlamasında yayılan məlumatları təkzib edib. O, bu məlumatların həqiqətə uyğun olmadığını bildirib.

Nizami İbrahimov isə Anews.az-ın məsələ ilə bağlı müsahibə verməyəcəyini açıqlayıb.