Yeddi ayda həbsdən çıxanların neçə nəfəri iş tapıb? - statistika

Azərbaycanda 2026-cı ilin yanvar-iyulunda cəzaçəkmə müəssisələrindən azad edilmiş 699 nəfər işlə təmin edilib, bu, ötən ilin eyni dövrü ilə müqayisədə 161 nəfər və ya 29,9% çoxdur. Bu barədə Dövlət Məşğulluq Agentliyi anews.az-ın sorğusuna cavab olaraq bildirib. 

İşlə təmin olunanların 687-si kişi, 12-si qadın olub.

2025-ci ilin ilk yeddi ayında isə bu kateqoriyadan olan 538 nəfər işə yerləşdirilib. Onların 529-u kişi, 9-u qadın olub.

Artım cəzaçəkmə müəssisələrindən azad edilmiş şəxslərin əmək bazarına reinteqrasiyası üzrə məşğulluq tədbirlərinin genişləndirilməsi fonunda baş verib.

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin məlumatına görə, 2026-cı ilin ilk beş ayında bu kateqoriyadan olan 444 nəfər işlə təmin edilib, 28 nəfər peşə hazırlığına, 6 nəfər isə özünüməşğulluq proqramına cəlb olunub. 

Gülnar Nazimqızı