Dörd rayonda yanğına səbəb olan beş nəfər müəyyən edilib

Azərbaycanda dörd rayonun kəndlərində baş verən yanğınlarla bağlı beş nəfər polis tərəfindən müəyyən edilərək məsuliyyətə cəlb olunub. 

Daxili İşlər Nazirliyinin (DİN) Mətbuat Xidmətinin məlumatına görə, yanğınlar Ağsunun Ərəbmehdibəyli, Cəlilabadın Alar, Sabirabadın Nərimankənd və Saatlının Qaracalar kəndlərinin ərazilərində baş verib.

Araşdırma zamanı yanğınların həmin rayonların sakinləri H.Məmmədov, F.Fərəcov, M.Əzizov, S.Şahəliyev və R.Mecdinov tərəfindən törədildiyi müəyyənləşdirilib.

Yanğınlar nəticəsində ümumilikdə 2 hektara yaxın biçilmiş əkin sahəsi və kol-kos yanıb.

DİN bildirib ki, müəyyən edilən şəxslər barəsində qanunvericiliyə uyğun tədbirlər görülüb.