Şagirdlərin elektron yerdəyişməsi başlayır

2026–2027-ci tədris ili üzrə şagirdlərin elektron yerdəyişməsi prosesi 20 avqust saat 15:00-dan etibarən aktivləşdiriləcək.

Proses 2–9-cu və 11-ci sinif şagirdlərini əhatə edəcək. Yerdəyişmə elektron qaydada sy.edu.az portalı vasitəsilə həyata keçiriləcək.

İnternetə çıxışı olmayan vətəndaşlar yerdəyişmə ilə bağlı Agentliyin və təhsilin yerli idarəetmə bölmələrinin çağrı mərkəzlərinə, Agentliyin Vətəndaşlara Xidmət Mərkəzinə və ASAN xidmət mərkəzlərinə müraciət edə bilərlər.

Şagirdlərin elektron yerdəyişməsi sistemi valideynlərin məktəb dəyişdirilməsi ilə bağlı müraciətlərinin elektron formada qəbulunu və prosesin onlayn həyata keçirilməsini təmin edir. Sistem vasitəsilə yerdəyişmə üçün müraciət məktəbə fiziki müraciət etmədən təqdim olunur.