Azərbaycanda bir gündə 43 cinayət açılıb

Azərbaycan polisi avqustun 17-də ölkə ərazisində qeydə alınan 43 cinayəti, həmçinin əvvəlki dövrlərdən bağlı qalan 8 cinayəti açıb.

Daxili İşlər Nazirliyinin Mətbuat Xidmətinin məlumatına görə, gün ərzində axtarışda olan 101 nəfər saxlanılaraq aidiyyəti üzrə təhvil verilib. Onlardan 77-si borclu şəxs qismində axtarışda olub.

Polis əməkdaşları narkotiklərlə əlaqəli 15 fakt, qanunsuz saxlanılan silah-sursatla bağlı isə 1 fakt müəyyən ediblər.

Bundan başqa, cinayət törətməkdə şübhəli bilinən 49 nəfər saxlanılıb.

Gülnar