Yer kürəsində zəif maqnit fırtınası başlayıb

Yer kürəsində G1 səviyyəli zəif maqnit fırtınası başlayıb.

Geomaqnit aktivliyinə Günəşdəki koronal dəliklərdən qaynaqlanan günəş küləyi axınları səbəb olub. Daha əvvəl də bu təsirlər fonunda zəif geomaqnit pozuntularının yaranacağı proqnozlaşdırılıb.

Fırtına qısamüddətli olacaq və axşama doğru Yerin maqnit sahəsindəki pozuntunun zəifləməsi gözlənilir. Bununla belə, geomaqnit vəziyyətinin tam sabitləşməsi 2-3 gün çəkə bilər.

Geomaqnit fırtınaları Günəşdən gələn yüklü hissəciklərin Yer maqnit sahəsi ilə qarşılıqlı təsiri nəticəsində yaranır. ABŞ Milli Okean və Atmosfer Administrasiyasının (NOAA) təsnifatında G1 ən zəif fırtına səviyyəsidir. Bu səviyyədə bəzi yüksək enliklərdə zəif qütb parıltıları müşahidə oluna, peyk və radio rabitəsində kiçik pozuntular yarana bilər. Adətən G1 səviyyəli fırtınalar insanların gündəlik fəaliyyəti üçün ciddi təhlükə hesab edilmir.

Gülnar