Azərbaycanın Qazaxıstandakı yeni səfiri etimadnaməsini Tokayevə təqdim edib

Azərbaycanın Qazaxıstanda yeni təyin olunmuş fövqəladə və səlahiyyətli səfiri Əlimirzamin Əskərov etimadnaməsini Qazaxıstan Prezidenti Kasım-Jomart Tokayevə təqdim edib. Bu barədə Qazaxıstan Prezidentinin mətbuat xidməti məlumat yayıb.

Əskərov ötən ay Azərbaycan Prezidenti İlham Əliyevin sərəncamı ilə Azərbaycanın Qazaxıstandakı fövqəladə və səlahiyyətli səfiri təyin edilib.

 Azərbaycan və Qazaxıstan diplomatik münasibətləri 1992-ci ildə qurub. İki ölkə arasında münasibətlər strateji tərəfdaşlıq səviyyəsində inkişaf edir və enerji, nəqliyyat, ticarət, investisiya və regional əməkdaşlıq əsas istiqamətləri təşkil edir. Bakı və Astana həmçinin Xəzər dənizi üzərindən Orta Dəhlizin inkişafında əməkdaşlıq edir.

Gülnar Nazimqızı