Ərini öldürən qadın onun intihar etdiyini dedi

Sabunçu rayonunda əvvəlcə intihar kimi qeydə alınan ölüm hadisəsinin qətl olduğu müəyyənləşib.

Daxili İşlər Nazirliyinin məlumatına görə, avqustun 23-də gecə saatlarında 1980-ci il təvəllüdlü Nail Syubayevin yaşadığı evdə boğaz nahiyəsindən bıçaq xəsarəti alaraq öldüyü barədə polisə məlumat daxil olub.

Araşdırma zamanı müəyyən edilib ki, Syubayev həyat yoldaşı, 1984-cü il təvəllüdlü Alfina Azizova tərəfindən münaqişə zəminində bıçaqlanaraq öldürülüb.

Azizova polis əməkdaşları tərəfindən saxlanılıb və istintaqa təhvil verilib.

Faktla bağlı araşdırma davam etdirilir.