Azərbaycanda bir gündə 66 cinayətin açılması təmin edilib

Azərbaycanda sentyabrın 1-də qeydə alınan 35, əvvəlki dövrlərdən bağlı qalan 31 cinayətin açılması təmin edilib. Bu barədə Daxili İşlər Nazirliyi bildirib.

Məlumata görə, axtarışda olan 116 nəfər saxlanılaraq aidiyyəti üzrə təhvil verilib. Onlardan 86-sı borclu şəxs qismində axtarışda olub.

Polis narkotiklərlə bağlı 12, qanunsuz silah-sursatın götürülməsi və aşkarlanması ilə bağlı 10 fakt müəyyən edib.

Cinayət törətməkdə şübhəli bilinən 46 nəfər saxlanılıb.