FHN güclü küləklə bağlı əhaliyə müraciət edib

Ölkə ərazisində, o cümlədən Bakı və Abşeron yarımadasında güclü külək müşahidə olunur.

Fövqəladə Hallar Nazirliyi (FHN) güclü külək zamanı əhaliyə yüngül konstruksiyalı və müvəqqəti tikililərdən, binalardan və reklam lövhələrindən uzaq durmağı tövsiyə edib.

Nazirlik elektrik dirəkləri və naqillərinin, eləcə də hündür ağacların altında dayanmamağı, küləkli hava şəraitində yanğın təhlükəsizliyi qaydalarına ciddi əməl etməyi çağırıb.

FHN təhlükə zamanı 112 qaynar xəttinə zəng etməyi bildirib.