DİN antiterror əməliyyatında iştirakı ilə bağlı paylaşım edib

Azərbaycan Daxili İşlər Nazirliyi (DİN) 2023-cü ilin sentyabrında Qarabağda keçirilən lokal xarakterli antiterror tədbirlərində iştirakı ilə bağlı paylaşım edib.

DİN-in paylaşımında 44 günlük Vətən müharibəsi və 2023-cü ilin sentyabrında keçirilən antiterror tədbirlərinin Azərbaycanın ərazi bütövlüyünün və suverenliyinin bərpası prosesində mühüm mərhələ olduğu bildirilib.

“Bu döyüşlərdə DİN-in hərbi qulluqçuları və polis əməkdaşları qarşıya qoyulan tapşırıqları yüksək peşəkarlıq, cəsarət və fədakarlıqla yerinə yetirdilər. Şəhidlərin qəhrəmanlığı, qazilərin şücaəti və hərbi qulluqçuların əzmkarlığı Azərbaycanın Zəfər salnaməsində əbədi yer tutur”, - paylaşımda qeyd olunub.