“Birliyin Gücü – 2026” birgə hərbi təliminin açılışı olub

Azərbaycan, Türkiyə və Özbəkistan hərbi qulluqçularının iştirakı ilə keçirilən “Birliyin Gücü – 2026” birgə hərbi təliminin açılış mərasimi baş tutub.Bu barədə Müdafiə Nazirliyindən məlumat verilib.

Tədbir Xocavənd rayonundakı “Qızılqaya” Təlim Mərkəzində keçirilib.Mərasimin rəsmi hissəsində üç ölkənin dövlət himnləri səsləndirilib.

Çıxış edənlər birgə təlimlərin hərbi əməkdaşlığın genişləndirilməsi, bölmələrin praktiki bacarıqlarının təkmilləşdirilməsi, təcrübə mübadiləsi və şəxsi heyət arasında əlaqələrin gücləndirilməsi baxımından əhəmiyyətini qeyd ediblər.

Daha sonra təlim iştirakçılarının tribuna önündən təntənəli keçidi keçirilib.

Tədbirin sonunda Həzi Aslanov adına Ordu İdeoloji və Mədəniyyət Mərkəzinin mahnı və rəqs ansamblı konsert proqramı təqdim edib.