7-ci mikrorayondan “Dərnəgül”ə ödənişsiz avtobuslar işləyəcək

Bakının 7-ci mikrorayonundan “Dərnəgül” metro stansiyasına ödənişsiz avtobuslar ayrılacaq.Bu barədə “BakuBus” MMC məlumat yayıb.

Bildirilib ki, Süleyman Sani Axundov küçəsində aparılan təmir-bərpa işləri ilə əlaqədar 7-ci mikrorayon sakinlərinin “Dərnəgül” metro stansiyasına gediş-gəlişini təmin etmək üçün 3 nömrəli marşrutdan əlavə avtobuslar ayrılacaq.

Avtobuslar Abay Kunanbayev küçəsi ilə “Dərnəgül” metro stansiyası arasında hərəkət edəcək.

Sərnişinlər bu avtobuslardan ödənişsiz istifadə edə biləcəklər.