Ombudsmanın maaşı 292% artırılır

Milli Məclis İnsan hüquqları üzrə müvəkkilin (ombudsmanın) aylıq vəzifə maaşının 3 060 manatdan 12 min manata qaldırılmasını təsdiqləyib.

Ombudsmanın maaşı təxminən 3,9 dəfə və ya 292% artırılıb.

“Azərbaycan Respublikasının İnsan hüquqları üzrə müvəkkili (ombudsman) haqqında” Konstitusiya Qanununa dəyişiklik layihəsi parlamentin payız sessiyasının ilk plenar iclasında ikinci səsverməyə çıxarılaraq qəbul edilib.

Dəyişikliyə əsasən, qanun qüvvəyə minənədək ombudsmana ödənilən vəzifə maaşı, əlavələr, mükafatlar və digər ödənişlər yeni müəyyənləşdirilən 12 min manatlıq aylıq vəzifə maaşına daxil ediləcək.

Yeni maaşın 2026-cı il yanvarın 1-dən tətbiqi nəzərdə tutulur.

Gülnar Nazimqızı