Azad edilmiş ərazilərdə 5 min hektardan çox intensiv bağ salınması üçün müraciət daxil olub — nazir

Azad edilmiş ərazilərdə intensiv bağların salınması üçün sahibkar və fermerlər 5 min hektardan çox sahə üzrə müraciət ediblər. Bunu kənd təsərrüfatı naziri Məcnun Məmmədov bildirib.

Nazirin sözlərinə görə, ölkədə intensiv bağların ümumi sahəsinin 2030-cu ilədək 20 min hektar artırılaraq 70 min hektara çatdırılması hədəflənir.

Məmmədov həmçinin müasir suvarma sistemlərinin tətbiq olunduğu sahələrin 2025-ci ilin sonundakı 130 min hektardan 2030-cu ilin sonunadək 300 min hektara çatdırılmasının planlaşdırıldığını deyib. İxtisaslaşmış rayonlarda ərzaqlıq buğda üzrə məhsuldarlığın hektara 5 tona çatdırılması da hədəflər sırasındadır.

Gülnar Nazimqızı