Qaxda avtomobil işıq dirəyinə çırpılıb, 16 yaşlı sərnişin ölüb

Qaxda avtomobilin yol kənarındakı işıq dirəyinə çırpılması nəticəsində 2009-cu il təvəllüdlü sərnişin ölüb, sürücü və üç sərnişin xəsarət alıb.

Hadisə gecə saatlarında Qax şəhərinin Heydər Əliyev prospektində baş verib.

Məlumata görə, Kənan Məmmədova məxsus “Opel Astra” markalı avtomobil idarəetmədən çıxaraq yol kənarındakı işıq dirəyinə çırpılıb.

Qəza zamanı avtomobildə olan 2009-cu il təvəllüdlü Muxtarov Elcan Səbuhi oğlu hadisə yerində ölüb.

Sürücü avtomobildə sıxılmış vəziyyətdə qalıb. O, xilasedicilər tərəfindən avtomobildən çıxarılaraq təcili tibbi yardım əməkdaşlarına təhvil verilib.

Digər üç sərnişin müxtəlif xəsarətlərlə Qax Rayon Mərkəzi Xəstəxanasına yerləşdirilib.

Faktla bağlı araşdırma aparılır.