Azərbaycanda bir gündə 49 cinayət açılıb

Azərbaycanda oktyabrın 6-da polis tərəfindən 49 cinayətin açılması təmin edilib.

Daxili İşlər Nazirliyinin (DİN) Mətbuat Xidmətindən bildirilib ki, ötən dövrlərdən bağlı qalan 15 cinayət də açılıb.

Hesabat günündə axtarışda olan 91 nəfər saxlanılaraq aidiyyəti üzrə təhvil verilib. Onlardan 72-si borclu şəxs qismində axtarışda olub.

Bundan başqa, narkotiklərlə əlaqəli 18 fakt, qanunsuz saxlanılan silah-sursatın aşkarlanması və götürülməsi ilə bağlı isə bir fakt müəyyən edilib.

Cinayət törətməkdə şübhəli bilinən 48 nəfər də polis əməkdaşları tərəfindən saxlanılıb.