Zelenskiy və Tramp arasında Rusiya neft emalı zavodlarına zərbələrə görə gərginlik arta bilər

Ukrayna Prezidenti Volodimir Zelenski ABŞ-ın Rusiya neft emalı zavodlarına zərbələri dayandırmaq tələbinə qarşı çıxmaqla ABŞ Prezidenti Donald Trampla münasibətləri daha da gərginləşdirə bilər. Bu barədə  Bloomberg məlumat yayıb. 

 Vaşinqton Ukraynanın hərbi əməliyyatlarına getdikcə enerji qiymətləri və ABŞ-da keçiriləcək aralıq seçkiləri prizmasından yanaşır.

Mayamidə keçirilən görüşdə ABŞ nümayəndələri Ukrayna rəsmilərinə Vaşinqtonun Kiyevə sursat və kəşfiyyat məlumatları verdiyini xatırladıblar. Onlar Ukrayna tərəfinə ABŞ istehlakçılarına zərər vura biləcək addımlardan çəkinməli olduğunu bildiriblər.

Ukrayna tərəfi bu xəbərdarlığı ABŞ-ın kəşfiyyat məlumatlarının ötürülməsini dayandırmaqla bağlı dolayı təhdidi kimi qəbul edib. Bununla belə, ABŞ rəsmisi belə bir təhdidin səsləndirildiyini təkzib edərək, Vaşinqtonun Ukraynanın etibarlı tərəfdaşı olduğunu vurğulayıb.

Bloomberg-in mənbələrinə görə, Kremlə yaxın bəzi Rusiya rəsmiləri Trampın yaxın gələcəkdə Moskva üçün əlverişli şərtlərlə sülh sazişinə nail ola biləcəyinə şübhə ilə yanaşırlar.

Onlardan bəziləri hesab edirlər ki, Vaşinqton Ukraynaya kəşfiyyat məlumatlarının ötürülməsini və silah tədarükünü dayandırmadığı müddətdə Trampın sərt tənqidi təkbaşına nəticə verməyəcək.

Tramp Ukraynanın Rusiya neft emalı zavodlarına zərbələrinin enerji bazarına və ABŞ-da yanacaq qiymətlərinə təsir etdiyini bildirib. Bu məsələ Vaşinqtonun Kiyevə təzyiqini artırıb və iki ölkə arasında fikir ayrılığını dərinləşdirib.

Gülnar