Deputat: gənclərin yoldan çıxarılması parlamentdə müzakirə olunsun

Deputat Siyavuş Novruzov Azərbaycan əleyhinə fəaliyyət göstərən və gənc nəslin yoldan çıxarılmasına yönələn təbliğat məsələsinin Milli Məclisdə müzakirə olunmasını təklif edib.

O, bu məqsədlə parlamentdə dəyirmi masa keçirilməsini və müzakirələrin ictimaiyyətə çatdırılmasını təklif edib.

“Biz bu gün o kanalların hansı təbliğat apardığının şahidiyik”, - Novruzov Milli Məclisdə çıxışı zamanı bildirib.

Deputat Prezident İlham Əliyevin Azərbaycan əleyhinə fəaliyyət və gənc nəslin yoldan çıxarılması məsələsinə toxunduğunu xatırladıb.

“Parlamentdə də bir dəyirmi masa keçirək, müzakirələri mətbuat və digər vasitələrlə ictimaiyyətə çatdıraq”, - o qeyd edib.

Gülnar Nazimqızı