Sabah bu ərazilərdə işıq olmayacaq

Oktyabrın 14-də Yasamal və Binəqədi rayonlarında elektrik enerjisinin verilişində müvəqqəti məhdudiyyətlər tətbiq olunacaq.Bu barədə “Azərişıq” ASC məlumat yayıb.

Bildirilib ki, Yasamal Rayon Enerji Təchizatı və Satışı İdarəsinin (RETSİ) xidmət ərazisində saat 10:00-dan 13:00-dək Dadaş Bünyadzadə, Möhsün Qədirli, Nəriman Nərimanov və Rahib Tağıyev küçələrinin bir hissəsində elektrik enerjisinin verilişi məhdudlaşdırılacaq.

Binəqədi RETSİ-nin xidmət ərazisində isə 9-cu mikrorayonun Mir Cəlal küçəsinin bəzi hissələrində saat 09:00-dan 14:00-dək elektrik enerjisinin verilişində qısamüddətli fasilələr yaranacaq.

Məlumata görə, təmir-təftiş və sınaq işləri elektrik enerjisinin keyfiyyət göstəricilərinin yaxşılaşdırılması və artan yük tələbatının qarşılanması məqsədilə aparılır.

İşlər başa çatdıqdan sonra abonentlərin daha keyfiyyətli və dayanıqlı elektrik enerjisi ilə təmin olunacağı bildirilib.