Bakıda yeni müntəzəm avtobus marşrutu istifadəyə verilir

Oktyabrın 18-dən Bakı metrosunun “Əhmədli” stansiyasından Türkan qəsəbəsi, Türkan bağları və Hövsan qəsəbəsinin “Quşçuluq” yaşayış massivinə 218 nömrəli yeni müntəzəm avtobus marşrutu fəaliyyətə başlayacaq.Bu barədə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyindən (AYNA) məlumat verilib.

Bildirilib ki, yeni marşrut həmin ərazilərdə yaşayan sakinlərin ictimai nəqliyyata tələbatı nəzərə alınaraq təşkil edilib.

Marşrut xəttində sıxılmış təbii qaz (CNG) ilə işləyən ekoloji cəhətdən təmiz avtobuslar istifadə olunacaq.

Avtobuslar saat 06:00-dan 23:00-dək 12–15 dəqiqəlik intervalla hərəkət edəcək.

Marşrut üzrə gedişhaqqı 80 qəpik müəyyən edilib. Ödənişlər nağdsız qaydada həyata keçiriləcək.