Bakı metrosundan istifadə edən sərnişinlərin sayı 4 %- ə yaxın azalıb

2026-cı ilin yanvar-sentyabr aylarında Bakı metrosunun xidmətlərindən 156 milyon 158,2 min sərnişin istifadə edib.Bu barədə Dövlət Statistika Komitəsi məlumat yayıb.

Bu, ötən ilin eyni dövrü ilə müqayisədə 6 milyon 417,6 min nəfər və ya 3,9 % azdır.

Hesabat dövründə Azərbaycanda nəqliyyat sektorunda ümumilikdə 1 milyard 771 milyon 305,6 min sərnişin daşınıb. Bu göstərici illik müqayisədə 156 milyon 793 min nəfər və ya 9,7 % artıb.