Ötən il Azərbaycandan köçən gənclərin 57%-i qadın olub

2025-ci ildə 15-29 yaşlı 554 nəfər Azərbaycandan daimi yaşamaq üçün gedib. Onların 236-sı kişi, 318-i qadın olub. Bu barədə Dövlət Statistika Komitəsindən bildirilib. 

Ölkələr üzrə  ən çox gedən Rusiyanın payına düşüb - 99 kişi və 90 qadın. Türkiyəyə isə 53 kişi və 88 qadın köçüb.

Almaniyaya gedən 34 nəfərin 9-u kişi, 25-i qadın, ABŞ-a gedən 39 nəfərin 17-si kişi, 22-si qadın olub.

Belarus istiqamətində 1 kişi, Gürcüstana 10 kişi və 10 qadın, Çinə 5 kişi və 3 qadın, Kanadaya 7 kişi və 23 qadın qeydə alınıb.

Qazaxıstana gedən 16 nəfərin 9-u kişi, 7-si qadın, Özbəkistana gedən 9 nəfərin 7-si kişi, 2-si qadın olub. Türkmənistana gedən 4 nəfərin hamısı kişidir.

Gülnar Nazimqızı