Təhsil Nazirliyi işçiləri siyahısında dəyişiklik

Təhsil naziri Mikayıl Cabbarovun əmri ilə "Azərbaycan Respublikası Təhsil Nazirliyinin mərkəzi aparatına və sisteminə daxil olan işçilərin vəzifə nomenklaturasının siyahısı”nda qismən dəyişiklik edilib.

ANN.Az APA-ya istinadən xəbər verir ki, nazirlikdən bildirilib ki, təsərrüfat işləri üzrə direktor müavini istisna olmaqla respublika tabeli ümumtəhsil məktəbinin (internat, lisey, gimnaziya və s.) direktoru və direktor müavinləri nazirliyinin mərkəzi aparatına və sisteminə daxil olan işçilər hesab edilir.

Dəyişikliyə əsasən, respublika tabeli ümumtəhsil məktəbinin təsərrüfat işləri üzrə direktor müavini ilə əmək münasibətlərinin tənzimlənməsi təhsil müəssisəsinin direktoru tərəfindən həyata keçiriləcək.

Əmrin icrasına nəzarət Aparat rəhbərinə Mətin Eynullayevə həvalə olunub.

ANN.Az