Aygün Aslanova istintaqa çağrıldı

Tanınmış kinoşünas Aygün Aslanova istintaqa çağrılıb.

Bu barədə məlumatı sosial şəbəkədə kinoşünasın bacısı Sahilə Aslanova yayıb.

Məsələ ilə bağlı Qaynar.info kinoşünasın özü ilə əlaqə saxlayıb.

Aygün Aslanova xəbərin doğru olduğunu təsdiqləyib. Kinoşünasın sözlərinə görə, onu AzadlıqRadiosunun Bakıdakı ofisinin cinayət işi ilə bağlı istintaqa çağrıblar: "Bir neçə ay idi radioda yazılarım gedirdi. Bununla bağlı istintaqa çağrılmışam. Hazırda Ağır Cinayətlərə Dair İşlər üzrə İstintaq İdarəsin gedirəm"

Xatırladaq ki, dekabrın 26-da "Azadlıq” radiosunun Bakı bürosunun "Kaspian Plaza”da yerləşən ofisində axtarış aparılıb və sonda ofisin qapısı möhürlənib. Prosesi Baş Prokurorluğun Ağır Cinayətlərə Dair İşlər üzrə İstintaq İdarəsinin əməkdaşları aparıb. Bunun Baş Prokurorluğun Ağır Cinayətlərə Dair İşlər üzrə İstintaq İdarəsində açılmış cinayət işi ilə bağlı olduğu bəyan edilib.

ANN.Az