Nazir müavini: Olimpiadalar yeni qaydalarla həyata keçirilir

Bu gün Bakı və Sumqayıt şəhərlərində fəaliyyət göstərən ümumi təhsil müəssisələrinin şagirdləri arasında təşkil olunan "Məktəblilərarası I fənn müsabiqəsi”nin qaliblərinin mükafatlandırılması mərasimi keçirilib.

 

 

 

 

 

ANN.Az xəbər verir ki, bu sözləri məktəblilərin birinci fənn müsabiqəsinin qaliblərinin mükafatlandırılması mərasimindən sonra təhsil nazirinin müavini Ceyhun Bayramov jurnalistlərə açıqlamasında bildirib.

 

Nazir müavini çıxışı zamanı qeyd edib ki, təhsil nazirliyinin birbaşa tərkibində olan riyaziyyat-fizika, informatika təmayüllü və kimya-biologiya təmayüllü litseylərin bazasında təşkil olunmuş I şagirdlərarası fənn müsabiqələrinin final mərhələsinə yekun vuruldu və qaliblər mükafatlandırılıdı: "Hesab edirik ki, belə bir müsabiqə, burda tətbiq olunan yeni yanaşma və bu yeni yanaşma bundan ibarətdir ki, ilk dəfə olaraq həm şagirdlər bir biri ilə rəqabət edirdilər, eyni zamanda kollektiv olaraq məktəblər bir-birilə rəqabət aparırdı. Buarada həm qalib gəlmiş şagirdlərin, həm də qalib gəlmiş məktəblərin mükafalandırılması tədbiri həyata keçirildi. Ümumilikdə Azərbaycanda bilik fənn olimpiada hərəkatı istiqamətində və ona hazırlıq mərhələsində bu kimi yarışların keçirilməsi çox vacib amildir. Uşaqların erkən yaşdan belə yarışlara qatılması, sağlam rəqabətin aparılması özlərində inam hissinin daha gücləndirilməsi istiqamətində öz müsbət tövhələrini verəcək. Eyni zamanada bu tədbirdə Respublika fənn olimpiadalarının və beynəlxalq olimpiadalara hazırlıq prosesində tədris  Azərbaycan dilində  olan bir sıra tədris resurslarının təqdimatı həyata keçirildi. Bunlar yuxarı sinif olan riyaziyyat fənnin resursları idi. Respublika fənn olimpiadasına gəldikdə isə onu qeyd etmək istərdim ki, bu tədris ilindən başlayaraq Respublika fənn olimpiadaları yeni qaydalar əsasında həyata keçirilir və Respublika fənn olimpiadalarının birinci turu bir neçə gün bundan öncə başa çatıb.  8 fənn üzrə 22 min iştirakçı bu mərhələdə iştiak etdi. Belə kütləviliyin təmin edilməsi bizi çox sevindirir. Respublika fənn olimpiadaları yarımfinal mərhələsi  mart ayında, final mərhələsinin isə aprel ayında keçirilməsi gözlənilir.  Hər bir fənn üzrə final mərhələsində 60 şagirdin iştirakı nəzərdə tutulub. Bu say bizə həm yüksək nəticələr əldə etmək, həm də rəqabəti təmin etməyə imkan verəcək.”