Bakıda kütləvi dava

Bakıda bıçaqlanma ilə nəticələnən kütləvi dava olub.

Bakı şəhər Baş Polis İdarəsindən ANS PRESS-ə verilən məlumata görə, hadisə dünən saat 00.50-da 28 may küçəsində baş verib.

Bakı şəhər sakinləri, 1980-cı il təvəllüdlü Tehran Hacıyev və 1986-cı il təvəllüdlü Rəşad Mustafayev bıçaqlanıb. Onlar ağır yaralı halda xəstəxanaya yerləşdiriliblər.

Hadisə ilə əlaqədar Nəsimi rayon Polis İdarəsinin 22-ci polis bölməsi əməkdaşları əməliyyat keçirib.

Keçirilən əməliyyat zamanı hər iki şəxsi bıçaqlayan şübhəli bilinən, Neftçala rayon sakinləri - 1993-cü il təvəllüdlü İlham Dadaşov, 1992-ci il təvəllüdlü Nurulla İsgəndərov, 1997-ci il təvəllüdlü Vüqar Soltanov və 1993-cü il təvəllüdlü Səmid Hüseynov müəyyən olunaraq tutulub.

Faktla bağlı əməliyyat aparılır.

ANN.Az