Bakıda Dünya Xəbər Agentlikləri Konqresi Şurasının iclası keçirilir

APA-nın məlumatın görə, iclasda 2016-cı ildə Bakıda "AzərTAc”ın ev sahibliyi ilə keçiriləcək Dünya Xəbər Agentliklərinin V Konqresinə hazırlıq işləri müzakirə olunur. 

Təbirdə Səudiyyə Xəbər Agentliyinin və Dünya Xəbər Agentlikləri Konqresinin prezidenti Abdullah bin Fəhd Əl-Hüseyn, Avropa Xəbər Agentlikləri Alyansının (EANA) prezidenti, Böyük Britaniyanın "Press Association” agentliyinin baş icraçı direktoru Klayv Marşal, Rusiyanın TASS agentliyinin baş direktoru Sergey Mixaylov, baş direktorun birinci müavini Mixail Qusman, "Reuters” agentliyinin Avropa üzrə vitse-prezidenti Yoahim Şmalts, "Associated Press” agentliyinin vitse-prezidenti Con Danişevski, Dünya Xəbər Agentlikləri Konqresinin baş katibi Uffe Riis Sorensen, EANA baş katibi Erik Naylen, Ərəb Xəbər Agentlikləri Federasiyasının (FANA) baş katibi Fərid Əyyar, Qazaxıstanın "Kazinform” agentliyinin baş direktoru Dauren Diyaarov, Türkmənistan Dövlət İnformasiya Agentliyinin (DTX) baş direktoru Bekdurdu Amansarıyev, Bolqarıstanın BTA agentliyinin baş direktoru Boyan Veselinoviç, Rumıniyanın AGERPRESS agentliyinin baş direktoru İon Alexanduru Giboi, Belarusun "BelTA” agentliyinin baş direktoru Dmitri Juk, Litvanın ELTA agentliyinin baş direktoru Qrajna Ramanauskaite-Tiumeneviene, Qırğızıstanın "Kabar” agentliyinin baş direktorunun birinci müavini Nurdin Urmambetov, Argentinanın TELAM agentliyinin institusional əlaqələrin inkişafı departamentinin meneceri Jan Manuel Fonruj, Türkiyənin "Anadolu”, İtaliyanın AGİ, İspaniyanın EFE agentliklərinin nümayəndələri iştirak edirlər. 

İclas mətbuat üçün qapalıdır.