Uşaqlar daha çox atadan götürürlər

Milli.Az xəbər verir ki, ABŞ-ın Karolina ştatının alimlərinin apardıqları tədqiqatlar bunu deməyə əsas verir. 

Mütəxəssislər tədqiqatdan sonra əmin olublar ki, uşaqlar hər iki valideyndən eyni sayda gen alırlar. Yalnız cinsiyyət xromosomları istisnadır. Həmin gen nüsxələri fərqli intensivliklə işləyir. Bu səbəbdən də genlərin ekspressiyasını araşdırmağa çalışıblar. 

Mütəxəssislər üç qrup siçanı cütləşdirərək 10 bala alıblar. Bala siçanlar böyüyəndə alimlər onların bədənlərində genlərin ekspressiyasını araşdırıb. Tədqiqatçıları ana və ata genlərinin sayı da maraqlandırıb. Məlum olub ki, ata genləri 60% daha çox aktivlik göstərir. Misal üçün, heyvanların beyinləri atalarının beyinlərinə daha çox bənzəyib.