Abituriyentlərin nəzərinə

Oxu.Az xəbər verir ki, ərizələrin qəbulu mayın 5-dən 18-dək aparılır.

Müraciət edən abituriyentlər TQDK-nın müvafiq internet səhifəsinə (eservices.tqdk.gov.az/erizebak/qrup5_oi) daxil olub, şəxsiyyəti təsdiq edən sənəddən və TQDK-nın virtual ödəmə kartından istifadə etməklə "Abituriyentin elektron ərizəsi" formasını dol¬dururlar. Virtual ödəmə kartını internet ödəmə xidmətləri  vasitəsi ilə və ya 7725 nömrəsinə boş SMS göndərməklə əldə etmək olar.

V ixtisas qrupu üzrə ali təhsil müəssisələrinə və tam orta təhsil bazasında orta ixtisas təhsili müəssisələrinə qəbul imtahanında abituriyentlər ana dili (Azərbaycan bölməsinin abituriyentləri Azərbaycan dili, rus bölməsinin abituriyentləri isə rus dili), riyaziyyat və xarici dil  fənlərindən test imtahanı verirlər. İmtahanda abituriyentlərə hər fəndən 30 test tapşırığı təqdim olunur. Test tapşırıqlarının cavablandırılmasına ümumilikdə 2 saat 15 dəqiqə vaxt ayrılır.

Əlavə edək ki, TQDK "Abituriyent” jurnalının 3-cü sayını nəşr edib. Jurnalda 2015-2016-cı tədris ili üçün Azərbaycanın orta ixtisas təhsili müəssisələrinə ümumi orta təhsil bazasında (9 illik) tələbə qəbulu qaydaları və qəbul elanı çap olunub.