Böyük Vətən Müharibəsi veteranları üçün pulsuz təyyarə bileti

Oxu.Az xəbər verir ki, bu barədə aviaşirkətin press-relizində deyilir.

BVM veteranlarına pulsuz biletləri təqdimetmə üzrə irimiqyaslı aksiya ənənəvi olaraq 14 ildir ki, keçirilir. "Aeroflot”un builki aksiyasında isə bir qədər dəyişikliklər də edilib.

İndi "Aeroflot” Sovet İttifaqı Qəhrəmanlarına və "Şöhrət” ordeni kavalerlərinə biznes-klass biletləri təqdim edəcək. Digər veteranlar üçün isə imtiyaz və imkanların siyahısı artırılıb.

"Aeroflot” ödəmə tariflərini, rüsumların ödənməsini öz üzərinə götürür. Bundan başqa, bayram aksiyasının hər bir iştirakçısı, bir müşayiətçi şəxsin pulsuz uçuşunu da qeydiyyatdan keçirə bilər”, - məlumatda deyilir.

Aksiyanın digər iştirakçılarına və veteranları müşayiət edənlərə təyyarədə sərbəst yerlər olduğu halda xidmətin daha yüksək səviyyəsi təklif ediləcək.

BVM veteran və əlillərinə, eləcə də faşizmin azyaşlı əsirlərinə Rusiya Federasiyası ərazisində istənilən istiqamətdə marşrut üzrə bilet təklif edilir.

Bundan başqa, Böyük Vətən Müharibəsi iştirakçıları və Böyük Vətən Müharibəsi əlillərinə əlavə olaraq Rusiya və MDB ölkələrindən Baltikyanı, Gürcüstana, Avropa ölkələrinə: Bolqarıstan, Macarıstan, Almaniya, Polşa, Rumıniya, Serbiya, Xorvatiya, Avstriya, Çexiya, eləcə də Azərbaycan, Ermənistan, Belarus, Qırğızıstan, Qazaxıstan, Özbəkistan, Ukrayna, Tacikistan, Latviya, Estoniya, Litva, Moldova, Gürcüstan və Rusiya şəhərləri arasında uçuş imkanı verilir.

Digər kateqoriyalı BVM veteranları, eləcə də faşizmin azyaşlı əsirlərinə Rusiyadan MDB ölkələrinə, Baltikyanı, Gürcüstana, eləcə də MDB, Baltikyanı, Gürcüstan və Rusiya Federasiyası məntəqələri arasında uçuş imkanları verilir.