TDQK sabah növbəti SAT imtahanını keçirəcək

Tələbə Qəbulu üzrə Dövlət Komissiyası (TQDK) sabah növbəti SAT imtahanını keçirəcək.

Komissiyadan Trend-ə verilən məlumata görə, 3 saat davam edəcək imtahanın nəticələri iyunun 25-də imtahan verənlərin "College Board” internet səhifəsindəki şəxsi hesabında açıqlanacaq.

İyunun 6-dan sonra TQDK tərəfindən keçiriləcək növbəti SAT imtahanlarına qeydiyyat iyunun 12-dən başlayacaq.

Qeyd edək ki, SAT (Scholastic Aptitude Test) müxtəlif siniflərdə təhsil alan məktəb şagirdlərinin oxuma, yazma və riyazi biliklərini yoxlayan standartlaşdırılmış test imtahanıdır və hər il imtahana iki milyondan artıq məktəb məzunu daxil olur. SAT imtahanının nəticəsi beynəlxalq səviyyədə tanınmaqla, ABŞ-da və dünyanın müxtəlif ölkələrində kollec və universitetlərə qəbul prosesində məktəb məzunlarının ali təhsil almağa hazırlığını qiymətləndirməyə imkan verən obyektiv imtahan göstəricisi kimi qəbul olunur. Ali təhsil ocaqlarının qəbul komissiyaları üçün SAT imtahanının nəticəsi üçün müraciət edən məktəb məzunlarını eyni şkalada müqayisə etməyə imkan verir, həmçinin onlara təqaüd verilməsi qərarlarını müəyyən etməkdə obyektiv mənbə hesab olunur.
www.ann.az