Ölkəmizdə bəzi ibtidai sinif dərslikləri yararsızdır

Yeni dərs ilinin başlamasına iki ay qalsa da, Tələbə Qəbulu üzrə Dövlət Komissiyasının yararsız hesab etdiyi ibtidai sinif dərsliklərinin aqibəti sual doğurur. Tələbə Qəbulu üzrə Dövlət Komissiyasının apardığı monitorinqlər nəticəsində orta məktəblərin 21dərsliyi tədrisə yararsız hesab olunmuşdu.

Yararsız vəsaitlərin siyahısına I sinifdən V sinifə qədər olan ibtidai sinif dərslikləri daxildir. Yoxlamalar nəticəsində məlum olub ki, ana dili, riyaziyyat, həyat bilgisi, texnologiya və ingilis dili dərsliklərində xeyli sayda metodiki qüsur var. Təhsil ekspertləri yeni tədris ilinin başlamasına iki ay qamış dərsliklərlə bağlı vəziyyətin düzəlməsinə ehtiyac olduğunu vurğulayırlar.

"Əslində dərsliklər müsabiqə yolu ilə yazlmalıdır. Müsabiqədə birinci yer tutan tərəfindən hazırlanan dərslik əsas götürülməlidir. Eyni zamanda Təhsil Nazirliyi tərəfindən bəyənilən dərsliklərin nəşri üçün tender keçirilməlidir. Amma indi bu işlər tamamən başqa cürdü. Tender keçirilir, nəşriyyatlar tenderdə iştirak edir. Tenderi udan nəşriyyat dərsliyi də özü yazır, hazırlayır. Nəşriyyat dərslik müəllifini düzmü, əyrimi, yanlışmı seçir bax bu məsələ hələlik həll olunmayıb”, – deyə ekspert Əjdər Ağayev bildirib.

Dünya praktikasında çoxdan istifadə olunan bu üsul Təhsil Nazirliyində də müzakirə olunur. Qurumdan bildirdilər ki, aparılan monitorinqlərin nəticəsi zamanı qeydə alınan çatışmazlıqlar növbəti nəşrlərdə nəzərə alınır.

Lakin dərsliklər 4 ildən bir nəşr olunduğundan qüsurların düzəldilməsi vaxt tələb edir. Nazirlik qüsurların qismən də olsa, aradan qaldırılması üçün dərslikləri tədrisə, verilmədən bir il öncədən nəşr etməyə başlayıb.

Çünki, belə olan halda dərsliyin məktəblərə paylanmadan əvvəl yoxlanılmasına bir qədər vaxt qalır.