Youth Inc. komandasına qoşul!

 "Youth Inc.” proqramının yeni biznes inkubatorunun komandasında fəaliyyət göstərərək gənclər start-apların yaradılması və inkişaf etdirilməsi sahəsində təcrübə qazanıb, işgüzar həyatlarında ilk addımlarını ata biləcəklər.

Biznes inkubatoru gənclərin gələcəkdə peşakar bir sahibkar kimi yetişməsi üçün yaradılmış imkandır. Biznes inkubatoru vasitəsilə könüllülük prinsipi əsasında gənclər sahibkarlıq fəaliyyəti üçün real layihələr üzərində işləyərək dəyərli təcrübə əldə edəcəklər.

Biznes inkubatoruna qoşularaq gənclər yeni işgüzar əlaqələr quracaq, onları peşəkarlara çevirəcək bilik və bacarıqları mənimsəyəcəklər. Son müraciət tarixi- 17.07.2015. Elan haqqında daha ətraflı məlumat almaq və müraciət göndərmək üçün team.youthinc.az səhifəsinə daxil olmaq lazımdır.

Qeyd edək ki, "Youth Inc.” DVC, "Coca-Cola” şirkəti və Azərbaycan Respublikası Gənclər və İdman Nazirliyi tərəfindən həyata keçirilən üzunmüddətli proqram və şəxsi bizneslərini açmaq istəyən gənclərin təşəbbüslərinin dəstəklənməsi üçün mükəmməl bir platformadır.

Youth Inc.-in aktiv fəaliyyət göstərdiyi illər ərzində 8 müxtəlif biznes-layihələr həyata keçirilib, 4 "Youth Inc” mərkəzi yaradılıb (Bakı, Gəncə, Sumqayıt və Şəki), 5 minə yaxın gənc seminarlarda iştirak edib, proqramın nümayəndələri 3 beynəlxalq forumlarda təqdimat keçiriblər, "Biznes İnkubatorların Yaradılması və İnkişafı” adlı kitabı təqdim edilib. Hal-hazırda proqramın www.youthinc.az internet portalı fəaliyyət göstərir. Şəxsi biznes ideyasını həyata keçirmək istəyən gənclər üçün əsas mərkəzə çeviriləcək "Youth Inc.” inkubatorunun bu il açılışı olacaq. Biznes inkubatorunda sahibkar olmaq istəyən gənclərə müxtəlif təlimlər, seminarlar və təqdimatlar keçiriləcək. Mərkəzdə təlim keçmiş şəxslər uğurlu biznes qurmağın yolları haqqında tam məlumat alacaqlar.

Əlaqələndirici şəxs: Günay Əzizova

(050) 581-40-60 [email protected]