Əlillərin pensiyası ilə bağlı yenilik

Bu sözləri ANS PRESS -in "qaynar xətt”inə müraciət edən Sumqayıt şəhər sakini gözdən əlil Fariz Hüseynov deyib. Onun sözlərinə görə, bircə gəlir yeri aylıq müavinəti olduğu üçün Ramazan Bayramında necə alış-veriş edəcəyini bilmir.

Problemlə bağlı Əmək və Əhalinin Sosial Müdafiə Nazirliyi ilə əlaqə saxladıq. Nazirliyin ictimaiyyətlə əlaqələr şöbəsinin müdiri Elman Babayev yaranmış problemin səbəblərini izah edib: "Sosial müavinət və təqaüdlərin bankomatlar vasitəsilə ödənilməsi bu vaxta qədər "Kapital Bank" ASC və Azərbaycan Beynəlxalq Bankı tərəfindən həyata keçirilib. Nazirliyin keçirdiyi tenderin nəticələrinə uyğun olaraq, iyul ayının əvvəlindən etibarən bütün sosial müavinət və təqaüdlərin verilməsi tenderdə qalib gəlmiş "Kapital Bank"a həvalə olunub". 

Qurum rəsmisi bildirdi ki, pensiyalarını Azərbaycan Beynəlxalq Bankının bankomatlarından alan vətandaşlar, kartlarında qalan pulları yaşadıqları rayon və ya şəhər üzrə adıçəkilən bankın filiallarına müraciət etməklə nəğd formada ala bilərlər.

"İyulun 20-dən gec olmayaraq plastik ödəniş kartları hazır olacaq. Vətəndaşlar yeni plastik kartı əldə etmək üçün isə "Kapital Bank"ın rayon (şəhər) filiallarına müraciət etməlidirlər.” -deyə Elman Babayev əlavə edib.

Onun sözlərinə görə, vətəndaşlar plastik kartlarının dəyişdirilməsi və ya onlara məxsus qalıq vəsaitlərinin Azərbaycan Beynəlxalq Bankından alınması prosesində hər hansı çətinliklə üzləşdikdə qeydiyyatda olduqları rayon və ya şəhərin ƏSMM-lərinə müraciət edə bilərlər.