ARGTMŞ-ın nümayəndələri beynəlxalq tədbirdə

 "Dialoq 2015” Beynəlxalq Gənclər Düşərgəsi Rusiya Federasiyasının Təhsil və Elm Nazirliyi və Gənclər üzrə Fedaral Agentliyinin dəstəyi ilə Rusiya Federasiyasının gənclər və uşaqlar birliyinin Milli Şurası və Avropa Şurasının Gənclər Departamentinin birgə təşkilatçılığı ilə baş tutub. Tədbirdə Azərbaycan nümayəndələri ilə yanaşı Rusiya, Gürcüstan, Qazaxstan, Polşa, Belarus, Moldova, Bosniya və Hersoqovina, Vyetnam, İsveçrə, Ermənistan ölkərinin fəal gəncləri iştirak edib.

"Dialoq 2015” Beynəlxalq Gənclər Düşərgəsinin məqsədi gənclər arasında mədəni müxtəlifliyin dəyərinin və mədəniyyətlərarası dialoqun qurulmasında gənclərin fəallılığının artırılmasıdır.

Beynəlxalq tədbirin açılış mərasimində Avropa Şurasının təhsil üzrə məsləhətçisi Menno Ettema açılış nitqi ilə start verib daha sonra Avropa Şurasının Gənclər Departmentinin Koordinatoru Marina Filaretova, Rusiya Gənc və Uşaq Birliklərinin Milli Şurasının Sədri Qriqoriya Petuşkov, Gənclər üzrə Federal Agentliyin rəhbəri Serqey Pospelov çıxış ediblər. Düşərgə ərzində iştirakçılar mədəniyyətlərarası dialoqun yerli icmalar arasında qurulması və inkişafı, cəmiyyətdə müsbət dəyişiklik imkanları haqqında müzakirələr aparıb, bu istiqamətdə fəaliyyət strategiyası qurulub. Təlimlər zamanı həmçinin potensial liderlərin üzə çıxarılması və onların yerli icmalar ilə işləməsinin təmin edilməsinə dəstək olmaq prioritet məsələlərdən olub. Tədbir zamanı "Nifrət nitqinə yox”, "Kritik düşüncə”, "Gənclər siyasətində empatiya”, "Beynəlxalq layihə idarəetmə” və "Avropa Şurasının Mədəni beynəlxalq tədbirlərlə iş üzrə proqramlar” üzrə mövzlarda master klasslar keçirilib və müzakilərlər aparılıb. Tədbirin mədəniyyət gecəsində Azərbaycan nümayəndə heyəti uğurla çıxış edib. Mədəniyyət gecəsində Azərbaycanın milli tarixi haqqında məlumat verilib, milli rəqsləri, milli musiqisi ifa edilib və milli mətbəxi nümayiş olunub.