“Leyla Şıxlinskaya klinikası”nın bağlanması xəbərinə – REAKSİYA

"Leyla Şıxlinskaya klinikası”nın bağlanması xəbərinə aydınlıq gətirilib.

Klinikadan Oxu.Az-a bildiriblər ki, tibb müəssisəsi bağlanmayıb, sadəcə lisenziya müddəti bitdiyi üçün nazirliyə müraciət olunub.

Klinikadan qeyd ediblər ki, hazırda tibb ocağında təmir işləri aparıldığı üçün xəstələrin qəbulu müvəqqəti dayandırılıb.

Məsələ ilə bağlı Səhiyyə Nazirliyindən Oxu.Az-a bildiriblər ki, "Leyla Şıxlinskaya klinikası” fəaliyyətini davam etdirməsi üçün Səhiyyə Nazirliyinə müraciət edib, hazırda klinikaya lisenziya verilməsi məsələsinə baxılır.

Qeyd edək ki, bu gün KİV-də "Leyla Şıxlinskaya klinikası”nın bağlanması haqqında məlumat yayılıb.
www.ann.az