Bakıda iPhone6 200 manat bahalaşdı

Azərbaycanda Apple şirkətinin məhsullarının qiyməti kəskin artıb.

Bu brendin Azərbaycandakı rəsmi distribüteri bir müddət əvvəl gətirdiyi malları artıq yeni qiymətlə satışa çıxarıb.

Oxu.Az xəbər verir ki, bu barədə Sputnik-ə Alma Store-dən bildiriblər.

Məlumata görə, əvvəllər 900 manata satılan iPhone 6 (16 GB) hazırda 1198 manata satılır.

"Qiymətlərin bahalaşması Azərbaycana gətirilən Apple məhsullarının pərakəndə qiymətlərinin artması – xərclər 30%-dən çox yüksəlib – həmçinin Azərbaycanda gömrük rüsumları şərtləri ilə əlaqədardır. Bu, təkcə Apple məhsullarına aid deyil. Tezliklə Azərbaycana gətirilən bütün elektron mallar, həmçinin texnika kəskin bahalaşacaq”, - deyə, agentliyin həmsöhbəti bildirib.

Onun sözlərinə görə, xaricdən mal almaq istəyən istehlakçı həmin məhsulun ümumi dəyərinin 36%-i ölçüsündə gömrük rüsumu ödəməlidir.

Paytaxtın digər mağazalarında iPhone 6 smartfonunun satışda olmadığını bildirsələr də, tezliklə məhsulun gətiriləcəyi və yeni qiymətlə satışa çıxarılacağını da vurğulayıblar.

Köhnə partiyadan olan iPhone 6 smartfonları mağazalarda əvvəlki qiymətlərlə satılır.
www.ann.az