İnstagram şəxsi yazışmanın imkanlarını artırdı – FOTO

Mesajlaşma zəncirvari şəkildə görünəcək.

İnstagram Direct-in yenilənmiş funksiyasını təqdim edib, bu funksiya dostlara öz xəbər lentinizdə olan şəkilləri mesaj kimi yollamaq imkanı verir.

Oxu.Az Lenta.ru-ya istinadən xəbər verir ki, yenilənmiş versiyada hər şəklin və videonun altında ox işarəsi peyda olacaq, bu işarəyə vuraraq istifadəçi kontenti dostları ilə paylaşa bilər.

Əvvəllər bunun üçün linki köçürmək və mesaja yazmaq lazım idi. Mesajlaşma zəncirvari şəkildə görünəcək: istifadəçilər bir-birinə foto və ya "like” ilə tez bir zamanda cavab verə biləcəklər.

Smartfonun kamerasına giriş funksiyası yazışma pəncərəsindən mümkün olacaq.