Xəzəryanı ölkələrin nəqliyyat nazirləri “Şimal-Cənub” dəhlizini müzakirə edəcəklər

Xəzəryanı dövlətlərin nəqliyyat nazirləri cari ilin dekabr ayında İranda "Şimal-Cənub” beynəlxalq nəqliyyat dəhlizinin perspektivlərini müzakirə edəcəklər.

Oxu.Az xəbər verir ki, bu barədə Rusiya prezidentinin Dövlət sərhədlərinin delimitasiyası və demarkasiyası üzrə xüsusi nümayəndəsi, xüsusi tapşrıqılar üzrə səfir İqor Bratçikov bildirib.

"Əgər "Şimal-Cənub” beynəlxalq nəqliyyat dəhlizi inşa edilərsə, o zaman Qərbi Avropa və İran körfəzindəki İran limanları arasında yüklər dairə vuraraq dəniz yolu ilə keçdiyi xəttdan iki dəfə tez keçəcək. Bu sərfəli və ucuz başa gələrdi. Ölkələrimizdə müvafiq terminalları tikmək lazımdır ki, bu iş irəliləsin”, - İ.Bratçikov Həştərxanda jurnalistlərə bildirib.

O, qeyd edib ki, hal-hazırda nəqliyyat dəhlizinin işi qaydaya salınmayıb.

"Və biz konteynerlərin göndərilməsindən bunun bəzən tez, bəzən isə daha uzun çəkdiyini görürük. Bu zəncirvari işi nəzrdən keçirmək, yenidən işləmək lazımdır. Bu, nəqliyyat nazirlərinin İranda dekabrda baş tutacaq görüşün əsas məsələsi olacaq”, - RF prezidentinin xüsusi nümayəndəsi izah edib.

Xəbər verildiyi kimi Rusiya, İran və Hindistan 2000-ci ildə "Şimal-Cənub” nəqliyyat dəhlizinin yaradılmasına dair dövlətlərarası saziş imzalayıblar. Sonradan müqaviləyə Azərbaycan, Ermənistan, Belarusiya, Qazaxıstan, Oman, Suriya qoşuldu. Türkiyə və Ukrayna da müqaviləyə qoşulmaq üçün müraciət ediblər.
www.ann.az