«Google» «Nexus 5X» və «Nexus 6P» smartfonlarını təqdim etdi

29 sentyabr tarixində Kaliforniyada keçirilmiş xüsusi tədbir çərçivəsində «Google» şirkəti «Nexus» istehsal xətti üzrə iki yeni smartfonunu («LG» istehsalı «5x» və «Huawei» istehsalı «6P») nümayiş etdirib.

«Nexus 6P» - 2560x1440 nöqtə təsvir ölçülü 5.7 düymlük «AMOLED» displeyə malik «Nexus 6» smartfonunun varisidir. 7,3 mm qalınlığında olan qurğuya «USB Type-C» konnektoru vasitəsilə enerji doldurmaq mümkündür, həmçinin korpusun arxa tərəfində yerləşmiş «Nexus Imprint» adlı daxili barmaq izləri skanerinə malikdir.

 

 «Nexus 6P» cihazı fiziki ölçülərinə görə «iPhone 6s Plus» uyğundur, ancaq daha yüksək təsvir ölçüsünə malik böyük ekranla təchiz edilib. Bu cihaz tamamilə metal korpusla və ön paneldə iki keyfiyyətli dinamika ilə təchiz edilmiş ilk «Nexus» modelidir.

 

 «Nexus 6P» smartfonuna «Sony» istehsalı olan 12,3 meqapiksellik kamera quraşdırılıb və istehsalçı əmin edir ki, zəif işıqlandırma olduqda belə kamera keyfiyyətli fotolar çəkir. Qurğu, həmçinin saniyədə 30 kadr sürətlə «4K» formatında çarxlar çəkə bilir. «Nexus 6P» smartfonunda ön kameranın təsvir ölçüsü 5 meqapikseldir.

«Nexus 5X» qurğusu - «LG» şirkətinin populyar «Nexus 5» smartfonunun yeni versiyasıdır. Yeni qurğuda ekranın diaqonalı 5,2 düym təşkil edir. Bundan başqa, smartfon, həmçinin «Nexus Imprint», «USB Type-C» portu və «Snapdragon 808» prosessoru ilə təchiz edilib.

 

 «5x» smartfonunda ekranın təsvir ölçüsü əvvəlki kimi 1080p-dir, ancaq kameranın təsvir ölçüsü 12 meqapikselədək artırılıb: «6P» qurğusunda olduğu kimi matrisin fiziki ölçüsünün artırılması sayəsində «LG»-nin smartfonu qaranlıqda keyfiyyətli fotolar çəkməyə və «4K» formatında videolar çəkməyə imkan verir.

 

 Hər iki smartfon «Android Marshmallow» mobil əməliyyat sistemi ilə işləyir və bütün yeni funksiyaları dəstəkləyir.

 

 «Nexus Imprint» barmaq izləri skaneri həm smartfonda hansısa məlumatlara giriş, həm də ödənişlərin edilməsi üçün tətbiq edilir.