Gürcüstandan Azərbaycana nə qədər avtomobil gətirilib?

Oxu.Az xəbər verir ki, bu barədə Gürcüstan Statistika Komitəsinin son yaydığı hesabatda deyilib. 

Bu, ötən ilin eyni dövrü ilə müqayisədə 11 773 ədəd avtomobil və ya 80% azdır. 

Ötən ilin analoji dövrü ilə müqayisədə Gürcüstandan ixrac olunan minik avtomobillərinin həcmi dəyər baxımından 3,76 dəfə azalıb.

Komitədən bildirilib ki, cari ilin 9 ayı ərzində Gürcüstandan Azərbaycana ixrac olunan malların ümumi həcmində bu kateqoriyanın xüsusi çəkisi 27,69% təşkil edib.

Hesabat dövründə Gürcüstandan Azərbaycana ixrac olunan avtomobillərin həcmi bu ölkənin ümumi avtomobil ixracının 39,14%-ni təşkil edib.

Bu ilin yanvar-sentyabr ayları ərzində ölkənin ümumi ixracında isə Azərbaycana ixrac olunan məhsulların xüsusi çəkisi 12,10% təşkil edib.

Qeyd edək ki, bu ilin yanvar-sentyabr ayında Gürcüstandan Azərbaycana 199 142,9 min dollar dəyərində məhsul ixrac edilib ki, bu da ötən ilin 9 ayı ilə müqayisədə 2,14 dəfə azdır.