Gəncədə Təbriz məhsullarının satılması üçün mərkəz tikiləcək
21.10.2015 23:59
"Tarix boyu Gəncə ilə Təbriz arasında daim əlaqələr olub. Bizim bura gəlişimizdə məqsəd bu tarixi əlaqələri yenidən bərpa etməkdir".
"Report"un məlumatına görə, bu sözləri Gəncə şəhərində səfərdə olan İranın Şərqi Azərbaycan vilayətinin valisi İsmayıl Cabbarzadə deyib.
Nümayəndə heyəti ilə Gəncədə səfərdə olan qonaqlar şəhərlə tanışlıqdan sonra Gəncə Şəhər İcra Hakimiyyətinin başçısı Elmar Vəliyevlə görüşüblər. Görüşdə qardaşlaşan hər iki şəhərin daha da yaxınlaşması üçün Təbrizdə Gəncə günlərinin, Gəncədə isə Təbriz günlərinin təşkil olunması qərara alınıb.
Görüşdə həmçinin Təbriz vilayətində istehsal olunan məhsulların sərgilənməsi və satılması üçün Gəncədə mərkəzin tikilməsi üçün tərəflər arasında razılıq əldə edilib.
Gəncəyə səfəri davam edən iranlı qonaqlar İmamzadə Dini Memarlıq Kompleksində aparılan abadlıq-quruculuq işləri ilə tanış olublar.
www.ann.az
Facebook
Bizi Facebookda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
