Qızılın sürətlə ucuzlaşması gözlənilir

Qeyd edək ki, FES-in üç əsas üzvünün sabah, noyabrın 4-də məruzələrlə çıxış edəcəyi planlaşdırılır. Bu, FES-in rəhbəri Canet Yellen, Nyu-York şəhəri FES-in rəhbəri Uilyam Dadli və FES başçısının müavini məşhur iqtisadçı Stanli Fişerdir. İlk çıxışın yerli vaxtla saat 10:00-da C.Yellen tərəfindən Təmsilçilər Məclisinin Maliyyə Xidmətləri Komitəsində baş tutacağı gözlənilir.

Vaşinqtonda yerləşən "Macroeconomic Advisers" konsaltinq şirkətinin müdiri, FES-in sabiq əməkdaşı Laurens Meyer bildirib ki, sabahkı çıxışlar FES-in dekabr iclasında faizləri artırması üçün ehtimalları gücləndirməsi üçün çox böyük fürsət olacaq.

Qeyd edək ki, qızılın qiyməti iyulun 20-də 1 078 dollar/unsiyaya qədər gerilədikdən sonra ABŞ-da uçot dərəcəsinin artırılmasının ertələnməsi ilə oktyabrın 12-də 1 189 dollar/unsiyaya qədər artıb. Lakin FES-in son iclasında dekabrda faizlərin artırılması ehtimallarının güclənməsi nəticəsində hazırda qiymət 1 130 dollar/unsiyaya qədər geriləyib. "Report"un analitikləri hesab edirlər ki, qızıl FES-dən gələn xəbərlər fonunda 1 015-1 045 dollar/unsiyaya qədər enə bilər.
www.ann.az