Bakıya yeni avtobuslar gətirilir
13.01.2016 14:02
Bakıda sərnişinlərin hərəkətinin daha asan və rahat olması məqsədi ilə paytaxta yeni avtobusların gətirilməsi nəzərdə tutulur.
"Report"un əldə etdiyi məlumata görə, bu məqsədlə paytaxtda sərnişindaşıma ilə məşğul olan "BakuBus" MMC yeni avtobusları xidmətə verməyi planlaşdırır. Məlumata görə, şirkətin bu avtobusları əvvəlki modellərdən fərqli olacaq. Yeni ictimai nəqliyyat vasitələri ağ rəngdə və həcminə görə nisbətən kiçik olacaq.
Qeyd edək ki, hazırda Bakıda "BakuBus"ın xidmət göstərdiyi avtobuslar Fransa istehsalıdır. "İveco” markalı avtobuslar "İveco Crealis” və "İveco Urbanway” olmaqla iki modeldən ibarətdir.
Bakıda 2015-ci ildə keçirilən I Avropa Oyunları ilə əlaqədar Fransanın "CNH Industrial” brendi olan "Iveco Bus” şirkəti tərəfindən Bakıya "Crealis” markalı 151 ədəd yeni avtobus gətirilib. Bununla bağlı Fransa prezidenti Fransua Ollandın Bakıya səfəri çərçivəsində Bakı şəhər İcra Hakimiyyəti ilə "Iveco Frans" şirkəti arasında dəyəri 50 mln. avro təşkil edən müqavilə imzalanıb.
www.ann.az
Youtube
Bizi Youtube-da izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
