Ruslar türkmən qazından imtina etdi

Rusiyanın təbii qaz inhisarçısı – "Qazprom” şirkəti bu ilin əvvəlindən Türkmənistana məxsus mavi yanacağı almaqdan imtina edib.

 

Bu barədə fins.az rus mətbuatına istinadən xəbər verir.

 

Məlumata görə, parallel olaraq həm də "Qazprom eksport” şirkəti "Türkmənqaz” şirkəti ilə qaz ixracına dair müqavilənin icrasını dayandırıb. Tərəflər əməkdaşlığa son qoyulmasının səbəbləri barədə açıqlama verməsələr də, analitiklər hesab edirlər ki, "Qazprom”un qərarı iki ölkənin qiymət məsələsində razılığa gələ bilməməsi və Türkmənistanın Rusiya ilə hərbi əməkdaşlığı gücləndirməkdəmn imtina etməsi ilə bağlıdır. Xatırladaq ki, 2014-cü ildə Türkmənistandan Rusiyaya 10 milyard kubmetr, 2015-ci ildə isə 3,1 milyard kubmetrə yaxın qaz ixrac olunub.