Respublika yollarında – SON VƏZİYYƏT

"Azəryolservis” ASC hava şəraiti ilə əlaqədar respublika yollarda son vəziyyətlə bağlı açıqlama verib.

Qurumun mətbuat xidmətinin rəhbəri Anar Nəcəfli Oxu.Az-a bildirib ki, hazırda maqistral və respublika əhəmiyyətli yollarda heç bir problem yaşanmır.

 A.Nəcəfli qeyd edib ki, hava şəraiti ilə əlaqədar "Azəryolservis”in əməkdaşları dünəndən etibarən yollarda təmziləmə işlərini həyata keçirir:

"Bakıda yolları qardan təmizlənib. Zərürrət yarandığı yerlərə düz səpilib. Ola bilər, ara küçələrdə və məhəllələrdə qar qalsın. Lakin əsasə küçə və prosperktlərdə nəqliyyatın sərbəst hərəkəti təmin edilib”.

Şirkət rəsmisi əlavə edib ki, əsas maqistral yollarda heç bir problem yoxdur:

"Respublika üzrə yollarda vəziyyət normaldır. Hətta Ağsu aşırmlarında işlər aparılıdı, hazırda da aparılır və heç bir problem müşahidə olunmur. Əsas problem yaramışdır ucqar ərazilərdə. Orda da yollanın buzdan təmizlənməsi istiqamətində içlər davam etdirilir. Hazırda orda qarın yağması davam edir”.

 A.Nəcəfli sürücüləri də ehtiyatlı olmağa çağırıb, o qeyd edib ki, hazırda yollarda problem yaradan hazırlıqsız sürücülərdi:

"İndiki hava şəraitində avtomobil sahibləri maşının qış rejiminə uyğunlaşması üçün onun təkərlərini dəyişdirməlidirlər. Çünki yağışlı və qarlı hava şəraitində avtomobil yolları sürüşkən olur, bu da baş verən qəzaların sayını artırır.

Sürücülər avtomobillərinin şinlərinə, şüşə silgəclərinin işlək vəziyyətdə olmasına, habelə soyuducu sistemlərində donmayan mayelərdən istifadə olunmasına diqqət yetirməlidirlər".
www.ann.az