Bağlanan bankın kartında qalan maaşı almaq olacaq

 

Əslində isə vətəndaşın bank kartında qalan aylıq məvacibi də sığortalanan əmanətlərə daxildir. Yəni həmin hesabdakı məbləğ Əmanətlərin Sığortalanması Fondu tərəfindən sığortalanmış vəsait sayılır. Əgər vətəndaş öz əmək haqqını bank bağlanana qədər kartdan çıxara bilməyibsə, həmin məbləğ fond tərəfindən vətəndaşa kompensasiya olunmalıdır.

"Ümumiyyətlə vətəndaşın istənilən bankda pulu varsa, 30 mindən yuxarı deyilsə və 12%-dən çox faiz dərəcəli deyilsə demək həmin pul sığortalanıb. Həmin məbləğ fond tərəfindən ödənilməlidir. Nəzərə asaq ki əmək haqqlarına faiz gəlmir və ümumiyyətlə məbləği də 30 min böyük ehtimal ki, yoxdur demək vətəndaş pulunu fonddan qanunla tələb edə bilər.” – deyə Vəkillər kollegiyasının üzvü Əkrəm Həsənov bildirib.   

Azərbaycanda bir neçə bankın lisenziyası ləğv edilib, bəziləri isə birləşmək qərarına gəlib. Artıq əmanətlərin sığortalanması fondu qorunan əmanətlərin qaytarılmasına başlayıb. //anspress.com