Neft hasilatının “dondurulması”na dair görüş baş tutmaya bilər
11.03.2016 10:50
İran razılıq verməzsə, OPEK ölkələrinin və bu təşkilata üzv olmayan neft istehsalçısı ölkələrinin martın 20-nə nəzərdə tutulan görüşü, çox güman ki, baş tutmayacaq.
APA-nın məlumatına görə, bu barədə "Reuters” agentliyinə məsələ ilə yaxından tanış olan mənbələr bildirib.
İran hazırda neft bazarında sanksiyalar dövründə itirdiyi payını bərpa etmək niyyətindədir. "Onlar (İran – red.) görüşün keçirilməsi ilə razı deyillər... İranın nə isə etmək niyyəti yoxdur... İranın razılaşacağı təqdirdə (neft hasilatının "dondurulması”na – red.), hər şey dəyişiləcək”, - deyə mənbələrdən biri bildirib.
İkinci mənbə bildirir ki, yanvardakı orta sutkalıq hasilat həcmi Tehranı qane etməyib. Ölkə neftin sutkalıq hasilat həcmini 4 mln barelədək artırmaq niyyətindədir.
"Əgər onlar həll yolunu tapmaq istəyirlərsə, onda onlar İrana ədalətli sövdələşmə təklif etməlidirlər”, - deyə mənbə bildirib.
Qeyd edək ki, bu arada Rusiyanın energetika naziri Aleksandr Novak martın 14-də Tehrana səfər edəcəyini bildirib.
www.ann.az
Youtube
Bizi Youtube-da izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
