Azərbaycan Gürcüstana yarım milyard sərmayə yatırıb

İkinci yerdə Böyük Britaniyadır.

Azərbaycan Gürcüstana sərmayə yatıran investorlar arasında birinci yerdədir. 2015-ci ildə Azərbaycan bu ölkəyə 542 milyon ABŞ dolları yatırıb.

Oxu.Az xəbər verir ki, bu barədə Gürcüstanın Dövlət Statistika Xidməti məlumat yayıb.

İkinci yerdə 198 milyon dollar sərmayə yatıran Böyük Britaniyadır.

İnvestor ölkələrin ilk üçlüyünü Gürcüstana 11 milyon dollar yatıran Niderland tamamlayır.

Ümumilikdə, Gürcüstana 2015-ci ildə 1,3 milyard dollar həcmində birbaşa xarici investisiya yatırılıb, bu isə 2014-cü il üçün olan göstəricidən 23% azdır.